«Միքայելյան» համալսարանական հիվանդանոցի էնդոսկոպիայի ծառայության բժիշկները Բարսելոնայում մասնակցել են Էնդոսկոպիստների եվրոպական ասոցիացիայի (ESGE) տարեկան կոնգրեսին։

Մեր մասնագետները Էնդոսկոպիայի կլինիկայում իրականացրած միջամտությունները ներկայացրել են աբստրակտի տեսքով։

Կոնգրեսը տևել է 3 օր և ընդգրկել արևելյան ու արևմտյան բժշկության նորագույն ինովացիաները, որոնք ուղղված են հատկապես աղեստամոքսային քաղցկեղի վաղ հայտնաբերմանը և հեռացմանը, լեղուղիների էնդոսկոպիկ միջամտություններին։

Մեր բժիշկները նշում են, որ թեև արտասահմանում իրականացվող էնդոսկոպիկ միջամտություններն արդեն հաջողությամբ կիրառվում են նաև Հայաստանում՝ միջազգային ուղեցույցներին համապատասխան և ժամանակակից սարքավորումներով, սակայն նման միջազգային միջոցառումները կարևոր են՝ ոլորտի վերջին ձեռքբերումներին ծանոթ լինելու, ինչպես նաև փորձի փոխանակման համար։

Էնդոսկոպիկ վիրաբուժությունը բժշկության ամենադինամիկ զարգացող ոլորտներից է․ այն մշտապես համալրվում է նոր տեխնիկական լուծումներով, որոնք թույլ են տալիս միջամտությունները դարձնել ավելի արագ, արդյունավետ և քիչ ինվազիվ։